“Parlament-2015” müşahidəçilərlə görüş və treninq keçirib - See more at: http://www.cebhe.info/oxu/4317/#sthash.ANUoNiwH.dpuf

oxunma: 115 Tarix: 31-10-2015 13:04

“Parlament-2015” Seçki Monitorinq Koalisiyasının 2015-ci il noyabrın 1-nə təyin olunmuş Azərbaycan Respublikasının Milli Məclisinə seçkilərin monitorinq aparacaq müşahidəçilərlə görüş və treninq keçirilib. Treninqdə Bakı və Sumqayıt şəhərlərində seçkiləri monitorinq edəcək müşahidəçilər iştirak edib. 120 nəfər müşahidəçinin iştirak etdiyi treninqdə “Parlament-2015” Seçki Monitorinq Koalsiyasının koordinatoru Rufiz Qonaqov müşahidəçilərin görəcəyi işlərin əhəmiyyətindən danışıb. O bildirib ki, parlament seçkiləri ölkə üçün çox böyk tarixi hadisədir: “Vətəndaş cəmiyyətinin təmsilçiləri olaraq, bizim üzərimizə də böyük və məsuliyyətli bir vəzifə düşür. Bildiyiniz kimi seçkilərin şəffaf və ədalətli keçirilməsi üçün ölkəboyu 118 seçki dairəsində müşahdə aparılacaq və səsvermə prosesi izləniləcək. Artıq 380 nəfər müşahidəçimiz olan sizin həmkarlarınız bu treninqlərdə iştirak ediblər və müşahidə aparılması üçün regionlara ezam ediliblər. Bu sonuncu treninqdir və sizlər paytaxt Bakıda və Sumqayıt şəhərində müşahidə aparıb, səsvermə prosesini monitorinq edəcəksiniz. Ona görə də son dərəcə diqqətli olmaq və üzərinizə düşən vəzifəni layiqincə yerinə yetirməli, obyektiv monitorinq aparmalısınız”. Sonra koalisiyanın eksperti, İnsan Hüquqları və Maarifçilik İctimai Birliyini sədr müavini, hüquqşünas Qaya Əliyev müşahidəçilərin hüquq və vəzifələri haqqında treninq iştirakçılarına təlim keçib. O, müşahidəçilərin hüquq və vəzifələri haqqında onlara geniş məlumat verib: “Müşahidəçilərin Seçki Məcəlləsində təsbit olunmuş hüquq və vəzifələri, səalhiyyətləri vardır. Hər bir müşahidəçinin əsas vəzifəsi bu tələblərə əməl etməkdir. Səlahiyyət həddinin aşılması yolverilməzdir və bu müşahidəçiliyin fəlsəfəsinə ziddir. Müşahidəçi seçki məntəqəsinə daxil olduqda qeydiyyatdan keçməlidir. Bütün bu hüquqlar və vəzifələr haqqında sizə paylanılmış “Müşahidəçinin yaddaş kitabçası”nda ətraflı yazılıb. Bu kitabçada sizə izah olunan qaydada hərəkət etməli və prosedurlara dəqiqliklə əməl etməlisiz. Müşahidəçi olaraq, faktları qeyd etməli və daha sonra toplanan faktları, rəylərinizi Koalisiyanın Monitorinq Mərkəzinə çatdırmalısınız. Sizin məlumatlarınız analiz ediləcək və səsvermə prosesi ilə bağlı Koalisiyanın hesabatı hazırlanacaq”. Treninqdə Koalisiyanın üzvləri, Tətbiqi Tədqiqatlar Fondunun sədri İbrahim Əliley və Azərbaycan Tələbələr Birliyinin sədri Elvin Aslanov iştirak edib. Xatırladaq ki, “Parlament-2015” Seçki Monitorinq Koalisiyasında ölkənin 5 qeyri-hökumət təşkilatı - Beynəlxalq Münasibətlərin Araşdırılması Mərkəzi, Qarabağ Araşdırılmalar Mərkəzi, İqtisadi və Sosial İnkişaf Mərkəzi, Tətbiqi Tədqiqatlar Fondu,  Azərbaycan Tələbələr Birliyi təmsil olunur. Koalisiyanın ilk Aralıq Hesabatı (02 oktyabr-28 oktyabr) hazırlanaraq 29 oktyabrda yayılıb. 

0 şərh:

Yorum Gönder

Ən çox oxunanlar

 
Kataloq