İki ürək













Bir ah çəkdim, daş ağladı
Gözlərində yaş ağladı
O taylı qardaş ağladı
Bir qəlb Bakı, bir qəlb Təbriz
Bir can, iki ürəyik biz.

*               *               *                  

Taleyimiz yaman dedi.
Ana-bacı "aman" dedi.
Bunu bizə zaman dedi:
"Bir qəlb Bakı, bir qəlb Təbriz
Bir can, iki ürəyik biz."

*               *               *                  

Dərdimiz bir, sərimiz bir
Xeyirimiz, şərimiz bir
Yoxumuz bir, varımız bir
Bir qəlb Bakı, bir qəlb Təbriz
Bir can, iki ürəyik biz.

*               *               *                  

İki qəlbik, biz, bir canıq.
Birlikdə Azərbaycanıq.
Siz Azərsiz, biz Baycanıq.
Bir qəlb Bakı, bir qəlb Təbriz
Bir can, iki ürəyik biz.

*               *               *                  

Haqq, imandan uzaq düşdü.
Ürək, candan uzaq düşdü.
Damar, qandan uzaq düşdü.
Bir qəlb Bakı, bir qəlb Təbriz
Bir can, iki ürəyik biz.

*               *               *                  

Ey, on dörd gecəlik ayım!
Həsrətdir, hər günüm- ayım.
Ayrılıqdır tale payım.
Bir qəlb Bakı, bir qəlb Təbriz
Bir can, iki ürəyik biz.

                                       Qaya Əliyev
                                                  dekabr, 1999, Lənkəran


0 şərh:

Yorum Gönder

Ən çox oxunanlar

 
Kataloq